Tiroid USM nədir?
Tiroid USM qalxanabənzər vəzinin və ətrafındakı limfa düyünlərinin yüksək tezlikli səs dalğaları ilə görüntülənməsidir. Cihazın datçiki səs dalğaları göndərir, toxumalardan əks olunan siqnallar ekranda təsvirə çevrilir. Müayinə vəzinin hər iki payının və berzəsinin ölçülərini, exostrukturunu (toxumanın sıxlığını), düyün, kista və ya iltihab əlamətlərini göstərir. Doppler rejimi əlavə olunduqda vəzinin və düyünlərin qanla təchizatı da qiymətləndirilir. Bu üsul rentgen şüalanması ilə bağlı olmadığından hamilələr və uşaqlar üçün də təhlükəsiz sayılır.
Müayinə necə aparılır?
Pasiyent kürəyi üstə uzanır, başın altına kiçik yastıq qoyularaq boyun bir qədər arxaya əyilir. Həkim dəriyə xüsusi gel çəkir və datçiki boyun ön səthində hərəkət etdirir; bəzən udqunmaq və ya başı yana çevirmək xahiş oluna bilər. Prosedur ağrısızdır və adətən 10-15 dəqiqə çəkir. Müayinədən sonra gel salfetlə silinir və pasiyent dərhal gündəlik rejiminə qayıda bilər.
