3D tomoqrafiya Tam Üz nədir?
Bu, konus formalı rentgen şüası dəstəsi ilə işləyən xüsusi dental tomoqrafda aparılan üçölçülü müayinədir. Aparat başın ətrafında bir dövrə vuraraq yüzlərlə təsvir toplayır və kompüter proqramı onlardan üz-çənə nahiyəsinin həcmli (3D) modelini qurur. Nəticədə həkim üst və alt çənəni, dişlərin köklərini və kanallarını, çənə sümüyünün qalınlığını və sıxlığını, burun ətrafı boşluqları, gicgah-çənə oynaqlarını və sinir kanallarının gedişini istənilən müstəvidə millimetr dəqiqliyi ilə görə bilir. Adi panoram və ya nişan rentgenindən fərqli olaraq, burada təsvirlərin üst-üstə düşməsi (proyeksiya təhrifi) olmur. KLKT-də şüa dozası klassik kompüter tomoqrafiyaya nisbətən əhəmiyyətli dərəcədə aşağıdır.
Müayinə necə aparılır?
Müayinədən əvvəl sizdən metal əşyaları — sırğa, boyunbağı, saç sancağı, eynək, çıxarılan protez və piyrsinqi çıxarmaq xahiş olunur. Sonra aparatın içində oturur və ya ayaq üstə dayanırsınız, çənəniz xüsusi dayaqda sabitlənir, alın və gicgahlar yumşaq tutucularla fiksasiya edilir. Skan zamanı halqa başınızın ətrafında yavaş-yavaş fırlanır — bu mərhələ adətən 10–40 saniyə çəkir, ümumi proses isə 5–10 dəqiqə davam edir. Ən vacib şərt tərpənməmək və nəfəsi sakit saxlamaqdır, çünki hərəkət təsvirin keyfiyyətini pozur. Müayinə tamamilə ağrısızdır, heç bir iynə və ya kontrast maddə tələb olunmur.
